Menu

【谢安琪演唱会】全面解构个唱歌单 唱Juno歌原来有原因?

演唱会的开场曲,Kay选择了一首麦浚龙的旧作《畸》与乐迷见面,她解释:「其实呢只歌冇派台,我本身都冇足够信心去拣呢首作品去做开场,不过就连Juno都好推荐呢首作品去做第一首歌。首先吸引到我嘅係个歌名同我英文名Kay同音,另外我好想透过呢首歌去讲,每个人都会有一个畸形嘅角落係连自己都接受唔到,而歌手都係人,歌手都同样会有呢个好想收埋嘅空间,亦为《kay isnt me》点题,大家认识嘅谢安琪,未必係最完整嘅谢安琪。」而今次演出的主题紧扣「生命」,故此在唱《畸》的期间,同时背景音乐亦配上了Kay的呼吸声,以代表生命中最基本的声音。

及后Kay紧接唱出《囍帖街》及《锺无艳》,其实製作团队曾考量过这两首歌曲应否放到最后引爆演唱会的高潮,这是正常红馆骚的思路,不过Kay却道:「放呢两首歌喺第一部份,係因为佢哋正正係我嘅起点,最多人认识嘅谢安琪,亦因佢哋开始。所以唱呢两首歌嘅时候,我整个人镶喺画框入面,呢个装置嘅意思係好似影相咁,呢两首歌係我人生中嘅一个定格,透过画框大家会睇到我嘅其中个人,但当我除低呢个画框唱后面嘅歌,亦正正代表住我嘅人生已经继续前进。」

进入下一部份,正是谢安琪的另一身份,浦铭心。大发dafa888手机客户端app这一部份,谢安琪透过歌曲,让乐迷把阅读浦铭心阅读得更透彻,Juno在创作角色时表示:「我觉得浦铭心係一个犯罪型嘅人,佢嘅人生同一般人好唔同,冇大家嘅道德包袱,冇传统儒家思想,敢于同其他人嘅人生轨迹不一样。佢係咪一个怪人?我觉得係嘅。」谢安琪又补充:「点解我哋要观众坐一晚去睇呢个女人嘅故事,因为佢嘅想像空间可以好阔。」

于是这部份,谢安琪先后唱出《人妻的伪术》、《一个女人和浴室》、《沐春风》、《赖床》、《初开》、《艺妓回忆录》、《呻吟》。这个部份的歌单显示出浦铭心最女性化的一部份,当中不少作品主题也跟「性」相呼应,Kay道:「一个正常女人可能会幻想嘅事情都係幸福,对未来生活嘅想像。不过浦铭心比较偏一啲,佢锺意沉醉喺唔同类型嘅愉悦当中,喺两性关係当中,女性比人感觉通常都係弱势个人,但浦铭心嘅角色唔同,佢比一般女性强势,就算佢同董折打交佢都係打赢嗰个,而喺性需求上,佢亦比较直接唔修饰。例如《沐春风》当中,讲紧浦铭心有一段时间係冇男性伴侣喺身边,所以佢选择去做一啲唔同类型嘅探索,例如尝试同韦罗莎饰演嘅寒玲有过一段关係,浦铭心唔係同性恋,不过佢唔怕去探索不一样嘅可能性。例如佢同郑伊健都有一段缘分,不过未去到上床嘅阶段,只係停留喺向对方借火点烟嘅阶段,亦代表住佢对唔同男性嘅一份好奇。」而《初开》及《呻吟》来得更直接,述说着浦铭心的初体验,Kay又详述:「佢同董折嘅第一次係好大胆,甚至可以话係主导嗰一个。去时钟酒店过夜嘅时候,佢哋彼此都唔知道对方嘅名字,其实当时董折入房前有攞避孕套,不过浦铭心话唔需要。」说着说着,这两个虚构人物彷彿被赋予了真正的生命和人生。

在创作这个角色时,Juno与Kay也思考良久,到底怎样去表现出浦铭心的胆大,其实一个方向,他们决定用性:「你想像一下,如果一个男性角色三妻四妾,出面有外遇,大家唔会觉得好冲击。但如果係一个女人出去玩,有伴侣嘅时候都出去,大家就会好反感,好多恶名会摆喺佢身上,但浦铭心其实唔在乎,因为佢觉得人生係属于自己。亦由此带出,同一件事,男人做就风流,女人做就贱格,其实唔少女性自身都会捆绑住自己。」

在述说完浦铭心的两性关係后,下一部份的歌单进一步补完了浦铭心的人生。由始至终,浦铭心的身世也相当神秘,到底她的成长经历是如何?在一个架空的世界里,他们为浦铭心补完了这样一段童年:「佢细个开始已经唔係一个娇娇女,因为佢细个开始连玩玩具嘅房间都係破烂,而佢玩玩具嘅方式係将个玩具分解,一件一件零件好精细好整齐咁摆出嚟。佢嘅思考模式唔係要破坏件玩具,而係佢好想了解一件事情嘅本质,所以大个咗佢选择做侦探小说嘅翻译。」而这部份演唱《成魔之路》、《亥时出世》、《恶搞之物》及《雌雄同体》,全部也是Juno的旧作,因为在广东歌市场上,这类型的黑暗类作品实在不多,而这几首正正能反映出浦铭心内心比较与人不同的分别。

在浦铭心的黑暗面后,谢安琪又想带出浦铭心的光明面作为反差:「其实我好想令乐迷知道,佢曾经係开心过。因为一路以嚟大家睇到嘅浦铭心,都係冇乜甜蜜个人。成长喺坪石邨,抬头望到至天空都係畀屋邨嘅井字楼宇所限制,所以佢好急不及待想跳出呢个框框,直至17岁佢遇上董折。虽然佢哋嘅爱情故事唔係童话式,不过我喺呢部份嘅选曲,特登拣一啲好少女怀春嘅作品,所以就有《When I fall in love》出现。」为了强化当中的甜蜜感觉,音乐总监更特意把迪士尼的主题音乐放在尾段,营造堕入爱河的甜蜜感。紧接的新歌《生命如胚胎蹦跳无声》、《一》及《You’re in Love》,全数也是以丰富的管弦乐演奏,并以《哈尔移动城堡》主题曲作结,突出浦铭心生命中最快乐的一段时间。Kay补充:「董折係佢生命中嘅第一个男人,呢件事係好冲击到佢整个世界,所以亦解释到,点解佢同董折分开之后,会咁热衷于探索同其他人嘅关係,因为浦铭心好想搵返嗰份冲击。」

再下一部份,主题又去到浦铭心与古天乐饰演的蓝定凌身上,开首的《我在阳台上看你》其实又是另一首新歌,故事线设定在《困兽‧28》及《暴烈‧34》之间,述说董折每晚下班回家,也会不愿上楼,硬要在家门下吸烟,把回家的时间拖长,但其实这一切浦铭心也站在阳台上看在眼内。Kay又透露:「其实观众之前一直以为董折同浦铭心只有一个小朋友,但其实设定上佢哋有一仔一女,最初生嗰个係仔,之后28、9岁左右再生多一个女,而婚姻喺当时已经开始转差,因为浦铭心好想透过呢个小朋友去话畀董折听,其实我哋嘅未来可以一齐走落去,可惜最后都係事与愿违。」演唱会中,在这首新歌后,Kay又唱出《其实寂寞》、《偷情的礼仪》、《(一个男人) 一个女人和浴室》,便是她和古天乐的故事线,忠实乐迷也应该知道内容,这里不赘。

浦铭心的故事完结,到了最令忠实乐迷感动的一部份,很可能便是Kay唱出《你们的幸福》及《独家村》,连续几晚红馆也亮遍了手机灯,谢安琪表示:「其实呢个係我嘅一个心意嚟,外界会觉得谢安琪同Juno合作之后嘅作品好唔同,的确係好唔同。对我嚟讲,其实係好事,因为代表咗唔同阶段嘅我,我嘅歌库里面会有唔同类型嘅作品,探讨唔同类型嘅问题。当然我明白大家会觉得,以前嘅我会同社会比较紧密啲,而家作品同社会冇乜直接联繫。」

Kay又特别想借《你们的幸福》去传达一些讯息:「呢首歌係讲关于麻目与知觉,入面有句歌词我特别锺意:爱思索便会福薄。林夕写呢句好讽刺,意指大家只要顾住煲剧、饮饮食食、同男友happy就最好,整首作品都係讲紧呢件事情。反转嚟谂,其实当你醒咗,呢个世界先大获,因为你醒咗就会有你嘅思想、诉求、追寻嘅事物,真正落实咁生活,而嗰层叫做幸福嘅糖衣,对我哋嚟讲係一种Easy choice。」她又以电影《廿二世纪杀人网络》作例子:「我好锺意《Matrix》,同呢首歌都係同一道理,我哋要选择假象但开心,定係嚟到一塌糊涂嘅现实世界切切实实去活出自己嘅生命?」

话题又回到董折浦铭心的故事线上:「大家都觉得《The Album》係一个爱情故事,但其实故事嘅设定係好现实,点解董折咁压抑?毕业之后要做埋啲杂工?其实同社会好多现象有关,而佢同好多人一样,都係处理唔到自己生活同社会之间嘅关连。对我嚟讲,演绎浦铭心更启发到我,前期嘅谢安琪会好直接回应社会,我好喜欢呢个阶段嘅自己,但而家嘅我会更加留意自己可以用咩角度启发大家,我哋唔会直接灌输一啲讯息畀大家,但大家可以喺字里行间自行思考。《你们的幸福》係一种醒觉,醒觉咗嘅人係唔会返到转头。」

10012

发表评论

电子邮件地址不会被公开。 必填项已用*标注